Peranak Jemoreng Nyikap Diri Napi Ampuh Bah.

HARI ENAM, 15 JANUARI 2022

MATU: Tikas peninggi ai niki ba pelilih Matu kelebih agi palan ti mudah kena ampuh bah ngirauka ati nyerumba hari ujan enda ngetu kena Hari Empat tu tadi.

Asil pansik madahka ujan sereta ai pasang raya ngujungka palan nya ditiki ai mai penanggul ngagai beberapa iti sekula enggau genturung pendiau.

Sekula ti dipadah kena ampuh bah tu iya nya Sekula Sekondari Matu (0.15m), Sekolah Primari Orang Selair (0.04m), SK Orang Kaya Sergunim (0.25m) sereta genturung pendiau ke tasah iya nya Kampung Jemoreng (0.43m), Kampung Bertong (0.15m), Kampung Sekaan Besar (0.18m), enggau Pasar Matu (0.12m).

Berebak enggau nya, Kampung Bawang, Kampung Sekaan Kecil, Kampung Tian agi ba tikas bejejaga.

Pia mega, ujan disadang enda ngetu diumbaka gaya hari mambam enggau remang tebal sepemanjai hari.

Ai ujan ari kampung ba jalai besai Bruan Matu nuju ke Igan ngujungka sebagi ari jalai nya ampuh ai tang agi ulih ditengah entukar.

Enti nyema ujan enda ngetu nyentuk 18 Januari tu ila, palan nya disadang napi empas ai pasang raya enggau bah ngenyit bepun 17 Januari.-EDISI UKAS

add comment