Dua Iti Jalai Baru Digaga Dikena Ngurangka Penanggul Jalai Sekut Di Samarahan

HARI MINGGU, 16 JANUARI 2022

KOTA SAMARAHAN: Dua iti jalai baru deka digaga perintah Sarawak dikena mantu ngurangka penanggul jalai sekut di Saramarahan.

ADUN Stakan, Datuk Hamzah Brahim madah, siti ari jalai benung digaga Opis Menteri Kereja Raya (KKR) iya nya Jalai Lapangan Terbang.

Lalu, siti agi jalai iya nya digaga perintah Sarawak empu di Tambirat, Asajaya.

Datuk Hamzah madah munyi nya ba aum media sepengudah bejadika program kelai pengawa nyua setipikit lesen enggau kunchi ngagai 32 iku sida ke bedaja ba Medan Selera MPKS Uni Garden, kemari.

Bekaul enggau isu penyekut jalai di Jalai Samarahan Expressway, iya madahka Opis Kereja Raya (JKR) udah bejalaika pengawa sida lalu bala kuntriktor ke udah dipadu diansak nembuka pengawa ngaga jalai nya.

Ku iya nambah, Jalai Datuk Mohd Musa digaga enggau mujur tumu ari ke udah ditaga lalu disadang tembu kena bulan Ogos 2023.-EDISI UKAS

add comment