36 Kes Varian COVID-19 Omicron Ditemu Ngelekai.

HARI SATU, 17 JANUARI 2022

KUCHING : Bisi 36 kes varian COVID-19 Omicron ditemu nyadi ba empat pelilih menua di Sarawak iya nya di Kuching, Samarahan, Sibu enggau Kapit.

Direktor Institut Pengerai Enggau Perubat Komuniti (IHCM) Universiti Malaysia Sarawak (UNIMAS) Profesor Dr David Perera madah, sebagi ari kes tu ngelekai ba komuniti.

Iya madah munyi nya nengah penerang ripot pengelekai COVID-19 ungkup bulan Disember 2021 nyentuk 11 Januari 2022 ngagai Chairman Komiti Penyangga Penusah Nengeri Sarawak, kena Hari Enam.

Ku iya nambah, pengelekai varian Omicron ke nyadi chukup ngirauka ati kelebih agi ngagai bala mensia mayuh.

Pia mega, Profesor Dr David ngelalau mensia mayuh seruran bejimat maya nyambut Taun Baru Cina ke deka datai.

Ba pekara bekaul, Atur Pengawa Standard (SOP) pengerai mensia mayuh mega mesti dikemeran nyengkaum ngambi dos ‘booster’ dikena ngering dinding bulu diri sereta nyeliah ari dirampit Omicron.-EDISI UKAS

add comment