PDP Dudong Numbuhka Komiti Khas Mantu Penusah Pelilih Tengah

HARI SATU, 17 JANUARI 2022

SIBU: Chairman Parti Demokratik Progresif (PDP) Pampang Dudong, Datuk Seri Tiong King Sing begulai enggau Tuai Raban Nembiak PDP ke nyadi Chairman Komiti Khas Mantu Penusah, Kaunsilor Joshua Ting Fu Ying udah numbuhka Komiti Khas Mantu Penusah Pelilih Tengah.

Joshua madah, komiti nya ditumbuh ngambika ulih nyaup pengawa bekaul enggau penusah ke nyadi kelimpah bela nyaup mensia mayuh udah penusah nyadi nuntung rayat.

Iya enggau nya andal amat bala nembiak ari genap tikas rayat bela datai nyadi kaban komiti sida.

“Kami deka meri penemu enggau pengelandik bejalaika pengawa mantu baka maya bisi penusah ampuh bah enggau penemu bekaul enggau nyaga pengelikun diri,” pia ku iya madah maya dirandau media, empai lama tu tadi.

Bala mayuh ti bisi ati bela deka nyadi raban komiti nya tau betanya ngagai lumur 012-8852460.

Dulu ari nya, kompeni Mlrb Sdn Bhd enggau kompeni Chan Shen Meat Market Sdn Bhd datai meri dua buah perau ngagai komiti nya.

Kelimpah ari nya, sebuah agi perau ke besai agi bela diberi PDP Pampang Dudong. -EDISI KHAS

add comment