Dato Sri Nancy Datai Ngabas Tangki Ai Zon Pangkor

HARI DUA, 18 JANUARI 2022

SIMUNJAN: Menteri Dagang Temuai, Seni Enggau Main Asal Malaysia ke mega Kaban Parlimen Batang Sadong, Dato Sri Nancy Shukri udah datai ngabas Tangki Ai  Zon Pangkor kena Hari Satu tu tadi.

Dato Sri Nancy madah, peranak ba menua nya diatu ulih ngasaika pengelantang ketegal udah disambung ai paip Projek Ai Menua Pesisir Kampung Lubok Punggor ke beungkus RM45 juta.

Ketegal nya, iya madahka diri berasai gaga sepengudah meda kediri peranak genturung pendiau Zon Pangkor diatu bela ulih ngasaika pemansang baka ke udah disemaya Perintah Sarawak.

“Kitai berasai lantang ati laban ulih meda pemansang tu ari sebedau tangki ai digaga nyentuk tembu diatu ti ngelai Perintah Sarawak semampai betatika penanggul ke ditapi rayat,” pia ku iya madah.

Sama bisi datai maya nya Sekretari Politik Menteri Dagang Temuai Enggau Main Asal Malaysia, Mohammed Kamaluddin Mohd Effendie enggau Pegawai Tugas-Tugas Khas Menteri Dagang Temuai Enggau Main Asal Malaysia, Awang Safri Awang Ahmad. -EDISI UKAS

add comment