Kepala Menteri Sarawak Betuaika Aum Kaban Kaunsil BDA Ke-83

HARI TIGA, 19 JANUARI 2022

BINTULU: Kepala Menteri Datuk Patinggi Tan Sri (Dr.) Abang Abdul Rahman Zohari Tun Datuk Abang Openg udah betuaika aum Kaban Kaunsil Pemansang Bintulu (BDA) Ke-83.

Iya ke mega Chairman BDA betuaika aum nya ke diatur di Bintulu, kena Hari Tiga.

Aum ke digulu semua Kaban Kaunsil Pemansang BDA nya bejuraika ‘polisi’ enggau kuing tuju BDA ngaduka langgur pemansang ekonomi enggau rama ba Sitak Bintulu.

Kelimpah ari nya, bela dipejuraika ba aum urung tiga jam nya nyengkaum pemaik enggau penguntung ngagai rayat Bintulu ari pengawa bejadika manifesto Gabungan Parti Sarawak (GPS) baka ke udah dipadah maya Pengawa Bepilih Besai Nengeri Ke-12 (PRN12) Sarawak tu tadi.

Sama bela datai, Sekretari Perintah Nengeri Sarawak, Datuk Amar Jaul Samion, Kaban Kunsil Nengeri (ADUN) Jepak, Datuk Talib Zulpilip, Sapit Chairman BDA, Dato Haidar Khan Asghar Khan, Residen Sitak Bintulu, Datu Jack Aman Luat, Manijer Besai BDA, Datu Muhammad Yaakup Kari, Direktor Opis Tanah enggau Survei, Datu Abdullah Julaihi sereta bala bukai. -EDISI UKAS

add comment