HARI TIGA, 19 JANUARI 2022
KOTA SAMARAHAN: Beberapa iku raban Polis Trafik udah dipinta nyaga pejalai perengka pengangkut ba ’roundabout’ besai di Kota Samarahan dikena nyaup ngurangka agi penusah jalai sekut.
Chara tu digaga seraya nganti penembu Projek Ngemanahka Jalai Dato Mohd Musa ari Bulatan Gyratory 3 (G3) ke Batu 8 Tang, tembu.
Projek Jalai Dato Mohd Musa udah digaga berengkah taun siti tadi ti ngaga ‘dual carriageway’ 4 lurung.
Kaban Parlimen Kota Samarahan, Rubiah Wang maya dirandau madah, bisi chara bukai bela deka diadu dikena mutar penusah jalai sekut nya.
Tu ku iya, nyengkaum ngaga jalai baru ke Kuching ari pengawa ngaga Jematan Sejingkat ti deka berengkah taun tu.
