HARI EMPAT, 20 JANUARI 2022
BINTANGOR: Kaban Kunsil Nengeri (ADUN) Semop, Datuk Abdullah Saidol udah nyuaka Projek Mit Menua Pesisir (MRP) enggau penyampau RM275,800 ngagai 74 Komiti Pemansang Enggau Pengelikun Genturung Pendiau (JKKK), Gerempung Apai Indai Enggau Pengajar enggau gerempung ukai dikuasa perintah (NGO) ba DUN nya.
Agih belanja nya disuaka iya ke mega Menteri Muda Pekara Korporat, Pemadah enggau Unit Komunikasi Awam Sarawak (UKAS) maya penemuai gawa tiga hari iya ke DUN Semop, belabuh Hari Tiga tu tadi .
Ku iya, agih ke diberi nya dipinta taun siti tadi, sebedau Pengawa Bepilih Besai Nengeri Sarawak Ke-12.
“Sehari tu hari keterubah ba penemuai gawa aku ke DUN Semop dalam kandang tiga hari nyuaka agih MRP enggau bantu dikena meli macham perengka ke dipinta ba bulan Disember taun siti tadi,” pia ku iya madah ngagai UKAS maya penemuai gawa iya enggau penyawa nyuaka agih MRP DUN Semop di Dewan Serbaguna Sungai Sian di Bintangor, kena hari Tiga.
Dulu ari nya, ba jaku iya, Datuk Abdullah meri terima kasih ngagai bala pengundi di DUN Semop nyengkaum raban bansa china ti sekali lagi ngandalka iya nyadi pengari rayat sida.
Ku iya, sukung ngagai iya enggau Perintah Sarawak nya meri reti ke besai ngagai pemansang infrastruktur ba menua nya dalam kandang lima taun tu.
Maya penemuai gawa nya bisi 23 JKKK enggau NGO nerima agih MRP enggau penyampau RM107,750.
Sida ke nerima tu iya nya JKKK Rh Anggi Enggol (RM3,300), JKKK Rh Baja Galau (RM2,100), JKKK Rh Michael Rima (RM1,950), JKKK Rh Jaw Michael Jawol (RM3,600), JKKK Rh Nicholas Abu Seman Thomas (RM3,600), JKKK Rh Peter Kilas (RM2,550), JKKK Rh Bisa Malintang (RM5,400), JKKK Rh Bennet Abol (RM1,050), JKKK Rh Antas Ngong (RM900), JKKK Rh Lawai Sedao (RM1,800), JKKK Rh Mudai Senaun (RM3,750), JKKK Rh Sylvester Dexter Johny (RM3,000) enggau JKKK James Berandah Kasin (RM4,350).
Agih ke sebaka bela disuaka ngagai JKKK Rh Anna Bandung Binsin (RM1,650), JKKK Sg Sian Bintangor (RM8,000), JKKK Kpg Tanjung Bundong (RM3,000), Masjid Darul Taqwa (RM3,000), Surau Darul Ikhsan bernilai (RM7,500), PIBG SJK (c) Ming Shing (RM25,000), Saberkas Pampang Meradong (RM10,000), Kelab Ukhuwah Meradong (RM5,000), Kumpulan Zikir Bintangor (RM3,000) enggau Kelab Pengintu Pengelantang MDMJ (RM5,000). -EDISI UKAS
