Kepala Menteri Nerima Penemuai Basa National Task Force

HARI LIMA, 21 JANUARI 2022

KUCHING: Kepala Menteri Sarawak, Datuk Patinggi Tan Sri Dr Abang Abdul Rahman Zohari Tun Datuk Abang Openg nerima penemuai basa ari Deligit National Task Force (NTF) ti betuaika Komander NTF, Laksamana Madya Dato’ Aris Adi Tan Abdullah ba opis iya di Wisma Bapa Malaysia, Kuching, kena Hari Empat.

Penemuai basa urung 30 minit nya dikena berandauka kerejasama perintah Sarawak enggau NTF bekaul enggau pengawa ngatur ‘Op Benteng’ enggau pekara pengelikun ba entara menua lebih agi kandang menua Sarawak ari ditama orang menua bukai enggau chara belalai tauka PATI.

Ba pengawa nya mega, Kepala Menteri bela nerima tepa ari Ex-Panglima 3 Briged ke mega Tuai Staf Tadbir Enggau Logistik NTF, Brigedier Jeneral Dato’ Azhar Ahmad.

Bela datai, Direktor Opis Kaunsil Pengelikun Menua (MKN) Sarawak, Sophian Isswandy Ismail; Komander NTF, Laksamana Madya Dato’ Aris Adi Tan Abdullah; Tuai staf Operasyen NTF, DCP Dato’ Mohd Yusoff Mamat enggau Pemantu Tuai Staf Bahagian J2 NTF, Brigedier Jeneral Dzeidee Schaff Jamaluddin. -EDISI UKAS

add comment