‘Malaysia Largest Sarawak Themed Mural Maze’ Mural Pemadu Panjai Di Malaysia

HARI ENAM, 22 JANUARI 2022

KUCHING: Nembiak Ari Palan Pelajar Tinggi (IPT) deka ngaga mural ‘Malaysia Largest Sarawak Themed Mural Maze’ sepemanjai 181 meter.

Menteri Dagang Temuai, Industri Kreatif Enggau Seni Pemerindang Dato Sri Abdul Karim Rahman Hamzah madah, pengawa tu asil ari kerejasama raban nembiak enggau nembiak IPT  nempa nama ba ‘Malaysia Book Of Records’.

Maya bejaku ba pengerami bejadika ‘Malaysia Largest Sarawak Themed Mural Maze’ di Palan Konvensyen Borneo Kuching (BCCK) kena Hari Lima, iya madahka ‘mural’ tu disadang tembu bulan Mei 2022 lalu dipandangka ba BCCK kena 21 Mei nyentuk 4 Jun 2022.

“Nengah program tu mai kitai berasai temegah ati nyadi peranak Sarawak.

“Pia mega, ari program tu mega kitai deka mandangka pemanah pupu raban bansa kitai kelimpah mandangka adat enggau main asal kitai ba Sarawak,” ku iya.

Dato Sri Abdul Karim ke mega Menteri Nembiak, Lumba Enggau Pemansang Dagang  madah, pengawa ngaga mural tu berambaika lima iti elemen ‘More To Discover’ Sarawak iya nya  Main Asal, Bejalai, Rampa Menua, Pemakai enggau Pengerami (CANFF).

Bela bisi datai maya nya Menteri Dagang Temuai, Industri Kreatif Enggau Seni Pemerindang (Industri Kreatif dan Seni Persembahan) Datuk Snowdan Lawan enggau Chairman Pengatur Program Michael Yii.-EDISI UKAS

add comment