Program Kepolisan Komuniti Ngedut Kaul Polis Enggau Mensia Mayuh

HARI ENAM, 22 JANUARI 2022

KUCHING: Balai Polis Sentral udah ngatur ‘Program Kepolisan Komuniti’ begulai enggau Komiti Pemansang Enggau Pengelikun Genturung Pendiau (JKKK) Kampung Masjid sereta ‘Kelab Rukun Tetangga’ (KRT) Bintangor kena Hari Tiga tu tadi.

Program tu diatur dua jam ngembuan tuju ngedutka kaul entara mensia mayuh enggau Raban Polis kelimpah nyaup nagang ulah ti enda betul sereta palan orang salah guna dadah.

Program nya digulu Tuai Balai Polis Sentral Asp Ahmad Abang; Penghulu Kampung Masjid, Haji Iskandar Landau; Komiti JKKK Kampung Masjid enggau KRT Bintangor.

Asil ari pengawa matau nya tetemuka beberapa palan ba tebing Bintangor, Tebing Masjid nuju Jalai Mungguk Kubur agi petang sereta mesti dipasang lampu kelebih agi ba taba A’atic enggau Kiosk JKKK.

Kenu ku ‘spokeperson’ program, enti lampu udah dipasang ila deka nyaup ngurangka risiko ‘vandalisme’ ba endur dia.-EDISI UKAS

add comment