Program LDP Program Nyikap Diri Napi Ampuh Bah

HARI ENAM, 22 JANUARI 2022

SIBU: Bisi 92 iku penyereta ari bemacham ejensi perintah udah ngambi bagi ba ‘Program Latihan Dalam Perkhidmatan’ (LDP) Ampuh Bah Pelilih Sibu diatur Komiti Penyangga Penusah Sitak Sibu kena Hari Empat tu tadi.

Program tu digaga dikena nyikap diri napi sebarang penyadi bah awakka sistematik enggau nitihka atur maya dituntung penusah ke amat.

Entara agensi ke bekaul iya nya Polis Diraja Malaysia (PDRM), Opis Bomba Enggau Penyelamat Malaysia Sarawak (JPBM), Raban Pengetan Pengelikun Malaysia (APM), Opis Pengerai Malaysia (KKM), Opis Residen Sibu, Opis Sungai Sarawak (LSS), Raban Soldadu Malaysia (ATM), Opis Pengintu Pengelantang Raban Bansa enggau  Polis Marin.

Program LDP baka tu dikarap ulih meri penemu ngagai bala pegawai enggau ejensi perintah nyema bisi begunaka sida enda ngira jam kelebih agi maya penyadi bah bisi nyadi.-EDISI UKAS

add comment