RM50 Juta Diungkupka Ba RMK-12 Ngaga Palan Komuniti Berkeperluan Khas

HARI ENAM, 22 JANUARI 2022

KUCHING: Sepenyampau RM50 juta udah diungkupka ba Langgur Pemansang Malaysia Lumpar Ke-12 (RMK-12) dikena ngaga Palan Komuniti Berkeperluan Khas (SNCC).

Menteri Pemansang Orang Indu, Nembiak Mit Enggau Pemansang Pengelantang Raban Bansa Dato Sri Fatimah Abdullah madah, perintah Sarawak udah setuju ngaga palan servis baka Kompleks SNCC ungkup Orang Timpang Pendiau (OKU) ke diatu benung diperambu. 

Iya madah munyi nya maya ditemu pemberita sepengudah datai ba Bengkel Pemerkasa OKU di Boutique Hotel Kuching, Hari Lima. 

Dato Seri Fatimah nambahka nyema kompleks nya udah bisi ila, dia alai kompleks nya tadi deka muka awak ngagai sida OKU ngulihka servis ari sukut ‘diagnosis’ enggau ‘screening’ sereta pengawa belajar, latih vokasional, gawa, palan endur diau enggau ke bukai.

Ba pengawa ke sebaka, Dato Sri Fatimah nerangka tuju bengkel tu digaga laban deka ninga  sebana ke ditapi raban OKU begulai enggau opis sereta ejensi bekaul.

“Enti bisi bengkel tu digaga, sida ulih madahka pekara ti deka dipadah lalu mendingka penemu ari sida,” ku iya nerang.

Kelimpah ari nya, Dato Sri Fatimah udah bejadika bup dikarang ‘wishesland’, Chi Poh Yung iya nya ‘Be Rich With Purpose’.-EDISI UKAS

add comment