Dato’ Sri Alexander, Lidam Ngulu Aum Projek Pemansang Di Song

HARI MINGGU, 23 JANUARI 2022

SONG: Menteri Dagang Dalam Nengeri Enggau Pekara Bebeli Barang ke mega Kaban Parlimen Kapit, Dato’ Sri Alexander Nanta Linggi ngulu Aum Komiti Tindakan Pelilih Song ti diatur ba Opis Pelilih Song, kena Hari Lima tu tadi.

Aum tu mega disempulang ADUN Katibas, Lidam Assan ngembuan tuju merambu projek perintah ti benung sereta deka dipejalaika ba Pelilih Song.

Ba aum nya, Dato’ Sri Alexander enggau lidam diberi licha ari ejensi bekaul ari Opis Kereja Raya (JKR), Opis Ai Enggau Entali Ai (DID), Kaunsil Pelilih Kapit (MDK) enggau Ejensi Pemansang Ulu Rejang (URDA).

Sepengudah aum nya tembu, Dato’ Sri Alexander bejadika ‘Program Mini Workshop’ Pemansang Pelilih Song. 

‘Workshop’ nya digulu ejensi perintah enggau Tuai Komuniti Enggau Tuai Raban Bansa (KMKK) dikena merambu pemansang ba Pelilih Song Jemah Ila.- EDISI UKAS

add comment