KPDNHEP Miri Deka Mutarka Isu Telu Manuk Enggau Manuk Kurang Ba Makit

HARI MINGGU, 23 JANUARI 2022

MIRI: Opis Menteri Dagang Dalam Nengeri Enggau Pekara Bebeli Barang (KPDNHEP) Pampang Miri beratika isu telu manuk enggau manuk majak kurang ba makit.

Datuk Bandar Miri, Adam Yii Siew Sang madahka sida bisi nerima sebana bekaul enggau isu tu lalu deka diputarka.

“Aku deka madah ngagai bala mensia mayuh iya nya isu tu deka diputarka KPDNHEP.

“Isu tu mega agi ulih diatur kitai lalu deka diputarka beberapa hari ke deka datai. Bekaul enggau rega mega, tu beduduk ari kos ngeluar barang pemakai majak niki, lalu opis menteri deka mansik pekara tu awakka ulih diputar,” ku iya madah.

Iya madah munyi nya sepengudah tembu program randau begulai enggau KPDNHEP Pampang Miri, Hari Enam..

Adam Yii ke mega ADUN Pujut ngenataika jaku terima kasih ngagai KPDNHEP laban udah meri penerang ke  silik bekaul enggau pekara tu.

Udah nya, Adam Yii neruska pengawa matau ngagai Boulevard Shopping Mall, Miri.- EDISI UKAS

add comment