HARI SATU, 24 JANUARI 2022
PADAWAN: Menteri Muda Perengka Pengangkut Sarawak ke mega Kaban Kunsil Nengeri (ADUN) Mambong, Datuk Dr. Jerip Susil nyaup Komiti Pemansang enggau Pengelikun Genturung Pendiau (JKKK) Kampung Abang ngemanahka jematan gantung nengah pengawa beripai kena Hari Minggu tu tadi.
Jematan gantung tu dikena nembiak nurun besekula ari Kampung Abang ngagai Sekula Primari (SK) Pangkalan Ampat, Padawan.
Berebak enggau nya, Kapitan Lai ngarika peranak Kampung Pangkalan Ampat enggau Kampung Abang madahka iya berasai lantang ati laban udah disaup ADUN Mambong ngaduka jematan nya.
Kelimpah ari nya, iya beterima kasih ngagai raban kontriktor laban udah nyedia kereban kena ngemanahka jematan nya enggau kerejasama ari peranak genturung pendiau. -EDISI UKAS
