Hari Besai Disambut Pupu Bansa Kelai Penyerakup Peranak Sarawak

HARI SATU, 24 JANUARI 2022

DEBAK: Ulah pupu raban bansa bela nyambut hari besai nyengkaum Taun Baru China di Sarawak kelai ngagai penegut penyerakup peranak nengeri tu.

Menteri Muda Pemansang Pengelantang Mensia Mayuh, Mohammad Razi Sitam madah, Sarawak diibun rayat ti ngemeranka ulah bebasa sereta rindu begulai enggau pangan diri ke nyadi chunto ngagai nengeri enggau menua bukai.

“Semua tu tau dipeda kitai maya hari besai alai kitai enda ngira bansa bela nyambut pengerami nya.

“Tu mandangka kitai ditu baka diri sebilik,” pia ku iya madah maya bejadika pengawa ngelai nyuaka pemeri limau mandarin ngagai 150 iku penerima di Debak, kena Hari Enam.

Ba program bukai, iya ke mega Kaban Kunsil Nengeri (ADUN) Saribas bela nyempulang Squad Kasih Sayang Kampung Bungey nganjung pemeri ngagai Amit Omar ti bakal maya ngaduka rumah empai lama tu tadi kelimpah ngabas Abang Shamsawi Abg Aron ke benung betapi enggau penyakit tungkul sengayuh.-EDISI UKAS

add comment