Sekretari Perintah Nengeri Sarawak Datai Meri Basa Kepenudi Ngagai Niang Datuk Simon Dembab Maja

HARI MINGGU, 23 JANUARI 2022

KUCHING: Sekretari Perintah Nengeri Sarawak Datuk Amar Jaul Samion datai meri basa kepenudi ngagai niang Ex-Sapit Kepala Menteri Sarawak, Datuk Simon Dembab Maja ba No. 414, Lorong Kedandi 4, Tabuan Jaya, Kuching, kena Hari Minggu.

Penatai Datuk Amar Jaul disambut bini niang, Datin Rosalind Sitie Jemeni enggau anak iya Jimmy Simon Maja.

Niang Datuk Simon Dembab Maja beumur 85 taun midang ninggalka siku balu, Datin Rosalind Sitie Jemeni, tiga iku anak, tiga iku ucu enggau dua iku icit.

Anak niang, Jimmy Simon Maja maya dirandau pemberita Unit Komunikasi Awam Sarawak (UKAS) madahka niang nadai ba Palan Perubat Swasta di Kuching.

Ngelansa pengawa apai iya ba politik kelia, ku iya, niang orang ti chakah sereta ransing megai tanggungpengawa kelimpah ngemeratka pemanah kaul entara pupu raban bansa enggau jalai pengarap di Sarawak.

Niang deka disengai ba menua iya lalu deka dianjung ngagai pendam Saint Christopher Chapel, Engkelili.-EDISI UKAS 

add comment