Pun Pemujur GPS Ba PRN-12 Patut Ditanka Nyentuk PRU-15

HARI DUA, 25 JANUARI 2022

KUCHING: Pengawa ti ngepunka pemujur Gabungan Parti Sarawak (GPS) ba Pengawa Bepilih Besai Nengeri (PRN) Sarawak Ke-12 tu tadi patut dipajakka nyentuk Pengawa Bepilih Besai Ke-15 ke deka datai.

Menteri Kereja Raya, Dato’ Sri Fadillah Yusof madah, sukung rayat ngagai GPS meseti ditanka ba PRU serak tu.

Ku iya, pemujur menang ba 76 ari 82 penuduk ba PRN-12 ngelai sukung rayat ngagai pegai perintah GPS.

“Rayat nyukung nama pengawa ke dibai GPS lalu pemujur ba PRN tu tadi bepun ari penegap kaul semua kitai,” pia ku iya madah.

Iya bejaku munyi nya ba Pengerami Makai Lemai Apresiasyen Palan Servis Kunsil Nengeri (DUN) Stakan, kena Hari Minggu tu tadi.

Mandal Presiden Parti Pesaka Bumiputera Bersatu (PBB) Sarawak nya madah, sukung rayat ngagai GPS patut dibasa.

Nangkan ke nya, Kaban Kunsil Nengeri (ADUN) Stakan, Datuk Hamzah Brahim ba jaku iya meri terima kasih ngagai bala ke bisi datai ngerami pemujur DUN Stakan ba PRN-12 tu tadi.

“Kitai mesti besaup ngambika ulih mutar penanggul ke bisi lalu ngemansangka Stakan nyadi mengeri dudi hari ila,” ku iya madah. -EDISI UKAS

add comment