Ujan Bangat Di Utara Sarawak, Mensia Mayuh Dipinta Nyikap Diri

HARI DUA, 25 JANUARI 2022

LIMBANG: Ujan bangat enda ngetu ngujungka ai sungai majak besai sereta ngampuhka beberapa bengkah endur di Utara Sarawak, kena Hari Dua.

Ba ujung Pasar Medamit, ai sungai majak laju kelimpah peninggi ai sebela enggau tebing.

Taja pia, Sekula Primeri (Sk) Nanga Medamit agi dibuka baka selama alai sida udah dipinta ngadang nyangka ampuh bah tau nyadi sebarang maya.

Mensia mayuh ba Telang Usan bela diberi jaku tangkan ke sebaka.

Di Ulu Baram baka ba Long Moh di Kedaya Telang Usan peninggi tikas ai ngirauka ati.

Pia mega di Pelilih Subis ai udah datai ba Sk Sungai Tangap enggau Rumah Nelson Ningkan.

Taja pia, Komiti Penyangga Penusah Pelilih (JPBD) Subis madahka pekara nya empai datai ba tikas tau ngeruga pengelikun.

Semua ejensi bekaul udah dipinta bejalaika pengawa matau penusah ampuh bah sereta nyikap diri maya tu.-EDISI UKAS

add comment