Niang Datuk Simon Dembab Maja Udah Dianjung

HARI TIGA, 26 JANUARI 2022

ENGKILILI: Niang ex-Sapit Kepala Menteri Sarawak, Datuk Simon Dembab Maja udah dianjung ba menua iya, Selindung, Engkilili, Hari Tiga.

Sekretari Perintah Nengeri Sarawak, Datuk Amar Jaul Samion bela datai meri basa kepenudi ngagai niang.

Niang dichiri nyadi Sapit Kepala Menteri ba taun 1970 alai maya nya perintah Sarawak dipegai Parti Pesaka, Parti Bumiputera enggau Parti Sa’ati Rayat Sarawak (SUPP).

Perintah maya nya mega perintah keterubah dipilih ari Pengawa Bepilih Besai ke bisi 48 iti penuduk lalu diarika 221 iku chalun bediri.

Ba taun 1973, niang siku ari penengkebang Parti Pesaka Bumiputera Bersatu (PBB).

Niang beumur 85 nadai di Kuching kena hari Enam tu tadi ninggalka Datin Rosalind Siti Jemeni, tiga iku anak, tiga uchu enggau dua ichit. -EDISI UKAS

add comment