Datu Ik Pahon Ngabas ICQS Biawak

HARI EMPAT, 27 JANUARI 2022

LUNDU: Sapit Sekretari Perintah Nengeri (Transformasyen Menua Pesisir), Datu Ik Pahon Joyik udah datai ngabas Kompleks Imigresen, Kastam, Kuarantin enggau Pengelikun (ICQS) Biawak, kena Hari Tiga.

Iya ke mega Sapit Chairman Komiti Penyangga Penusah Nengeri Sarawak (JPBNS) ngatur penemuai nya dikena nentuka tikas pengawa nyikap mai barang pemakai ari Indonesia ke Malaysia ti dipelabaka berengkah dipejalaika enda lama agi.

Sebedau nya, iya betuaika aum bekaul enggau atur import barang pemakai Indonesia-Malaysia ba Opis Pelilih Lundu.

B aum nya, atur import barang udah diserenih baru nitihka gaya Renggat 4 Pelin Nyuman Menua (PPN).

Datu Ik Pahon madah, nengah atur nya, pengerembai ekonomi menua deka pulai manah baru.

Penatai iya bela disempulang Kaban Kunsil Nengeri (ADUN) Opar, Billy Sujang. -EDISI UKAS

add comment