Tiga Projek Baru RTP ADUN Meradong Digaga

HARI EMPAT, 27 JANUARI 2022

BINTANGOR: Perintah Sarawak udah ngemendarka agih belanja ari Projek Transformasyen Menua Pesisir (RTP) Kaban Kunsil Nengeri (ADUN) Meradong, Datuk Ding Kuong Hing dikena ngaga tiga projek baru.

Projek keterubah diungkupka ngagai Rumah Ngipa di Sungai Buloh, Bintangor ke beungkus RM50,000 dikena ngaga palan engkah kerita rumah panjai nya.

Kena Hari Dua tu tadi, Datuk Ding bisi ngabas taba projek nya.

Nangkan ke nya, iya mega bisi ngabas taba projek ke sebaka ba Rumah Baling di Sungai Meradong enggau taba projek ngemanahka jalai ngelawa lima buah rumah kediri.

Semua projek tu beungkus RM50,000.

Lalu projek ketiga iya nya projek ngaduka parit enggau nukar wayar karan ba Rumah Giman di Skim B, Meradong.

Projek tu diungkupka enggau agih belanja RM100,000. -EDISI UKAS

add comment