HARI ENAM, 29 JANUARI 2021

SIBU: Orang kampar ba nengeri tu enda tau tinggal ngulihka vaksinasyen laban sida mesti dijaga dikena nyeliah ari dirampit pengelekai COVID-19.

Menteri Pemansang Orang Indu, Nembiak Mit Enggau Pemansang Pengelantang Raban Bansa, Dato Sri Fatimah Abdullah madahka bisi 124 orang kampar di Sarawak udah nerima vaksinasyen nengah Program Vaksinasyen Komuniti Orang Kampar.

Iya bejaku munyi nya maya ngulu pengawa libat urus begulai enggau raban ‘bakih’ Palan Transit Orang Kampar (TTG) di Jalai Sanyan Sibu kena Hari Empat tu tadi.

Bisi enam iku orang kampar betuchuk vaksin dos booster COVID-19 lalu siku nerima dos vaksin bansa Cansino ba program nya.

Iya nambahka naka ke diatu rikod orang kampar ti dibai ngagai TTG kenyau bulan Disember 2021 nyentuk Januari 2022 bisi 17 iku lalu sembilan iku dipadahka udah pansut.-EDISI UKAS