SABERKAS Batu Danau Chakah Mai Mensia Mayuh Ngemeran Pengidup Bepengerai

HARI LIMA, 4 FEBRUARI 2022

LIMBANG: Gerempung Raban Nembiak Menua Beserakup Sarawak (SABERKAS) Batu Danau mai mensia mayuh ngemeranka chara idup bepengerai.

Kaban Kunsil Nengeri Batu Danau ke mega Chairman Saberkas Pampang Batu Danau, Paulus Palu Gumbang madah, chara idup bepengerai ulih disungkakka ari pengawa lumba enggau main kelimpah tau bendar ngedutka agi kaul enggau pangan diri.

Bejaku maya pekit badminton ke diatur SABERKAS Kampung Bidang ba Dewan Kampung Bidang, empai lama tu tadi, iya mega meransang raban nembiak anang enggai ngambi bagi ba pengawa lumba enggau main ti beguna nyaga pengeregas diri.

Tu ku iya bela ulih nyadika pelasar nambahka pemanah kaul enda ngira bansa enggau jalai pengarap.

Pekit ke diatur maya nya nerima sambut ke manah ari mensia mayuh enggau 40 penyereta lelaki enggau 17 indu. -EDISI UKAS

add comment