Palan Kuarantin Enggau Berubat COVID-19 UNIMAS Ditutup, Ngintu 10,000 Iku Pesakit

HARI ENAM, 5 FEBRUARI 2022

KOTA SAMARAHAN: Palan Kuarantin enggau Berubat COVID-19 (PKRC) bepalan ba Kolej Raflessia, Universiti Malaysia Sarawak (UNIMAS) ditutup kemari sepengudah dibuka kenyau 2 Jun 2021.

Kaban Parlimen Kota Samarahan, Rubiah Wang maya dirandau nengah talipun madah, PKRC UNIMAS udah ngintu 10,000 iku pesakit sepemanjai timpuh palan nya dibuka.

Pia mega ku iya, PKRC ulih nampung 608 iku pesakit COVID-19 tebal agi ba serata Sitak Samarahan enggau pelilih ke bukai nyengkaum Padawan enggau Siburan.

“Sepengudah lapan bulan bejalaika operasyen, PKRC tu mujur ditutup lebuh beratika gaya pengelekai COVID-19 majak manah.

“Aku mega deka beterima kasih ngagai raban staf kelebih agi ngagai penyanding penemu PKRC Dr. Mohd Asri Riffin enggau raban tim iya ti bejalaika operasyen ba PKRC UNIMAS. 

Rubiah maya nya mega ngenataika jaku terima kasih ngagai raban UNIMAS sereta Komiti Penyangga Penusah Sitak (JPBB) Samarahan ti udah meri kerejasama numbuhka pkrc Unimas dikena nagang pengelekai pendemik COVID-19 tebal agi di Kota Samarahan.-EDISI UKAS 

add comment