Polis Pelilih Bintulu Nandu Pengawa Matau SOP COVID-19 PPN Renggat 4

HARI ENAM, 5 FEBRUARI 2022

BINTULU: Polis Diraja Malaysia (PDRM) Pelilih Bintulu nandu pengawa matau Atur Pengawa Standard (SOP) ba kedai pedagang enggau ba palan ke suah ditapat mensia mayuh nyerumba Pelin Nyuman Menua (PPN) Renggat 4.

Pengawa matau SOP tu digaga ngembuan tuju ngambika mensia mayuh semampai nyaga pengelikun diri ari pendemik COVID-19 kelebih agi varian ‘omicron’ ti agi ngelekai maya tu.

Berebak enggau nya, raban polis ngelalau mensia mayuh seruran nyaga pemeresi diri maya pansut ari rumah, ngena sengkabung mua enggau betul, semampai nuchi jari sereta ngena ‘hand sanitizer’, anang ngabas palan ke dedat enggau mensia mayuh lalu nyema bisi kelai baka batuk sereta tabin, anang enda lengkas berubat ngagai klinik pengerai ke besemak.-EDISI UKAS

add comment