HARI SATU, 7 FEBRUARI 2022

BUKIT BEGUNAN: Agih belanja sepenyampau RM45,000 udah diagih ungkup tiga Projek Mit Menua Pesisir (MRP) ba sitak DUN Bukit Begunan.

Kaban Kunsil Nengeri (ADUN) Bukit Begunan, Datuk Mong Dagang dipebasa nyuaka MRP nya di Kampung Melayu Tanjung Bijat kena Hari Minggu.

Ba program nya Datuk Mong ngagihka belanja projek MRP ngagai Komiti Pemansang enggau Pengelikun Genturung Pendiau (JKKK) Kampung Melayu Bakong dikena ngemanahka masjid enggau Gerempung Hadrah Kampung Melayu Tanjung Bijat.

Maya bejaku ba program ke sebaka, Datuk Mong Dagang madahka perintah nengeri semampai nyaup meri belanja ngagai sida ke nganjung peminta. 

Datuk Mong maya nya ngenataika jaku terima kasih ngagai peranak ba sitak  Bukit Begunan laban udah nyukung perintah Gabungan Parti Sarawak (GPS) maya Pengawa Bepilih Besai (PRN) Sarawak apin lama ke udah. -EDISI UKAS