HARI DUA, 8 FEBRUARI 2022

SRI AMAN: Kaban Kunsil Nengeri (ADUN) Bukit Begunan, Datuk Mong Dagang chakah deka nentuka pemansang infrastruktur ba rumah panjai deka disungkakka kelebih agi ngaga jalai kebun.

Maya pejalai gawa iya ngagai Rumah Nimong, Empelanjau Pantu kena Hari Satu tu tadi, iya madahka peranak dia deka diberi perengkaguna dikena ngemansutka asil betanam betupi kelimpah ulih nyungkakka ekonomi.

Ba program nya, Datuk Mong nyuaka agih belanja RM100,000 ari baruh Projek Transformasyen Menua Pesisir (RTP) dikena nyungkur tanah ba belakang Rumah Panjai Nimong.

Kelimpah ari nya, iya mega nyuaka Projek Mit Menua Pesisir (MRP) sepenyampau RM10,000 diberi ngagai Komiti Pemansang enggau Pengelikun Genturung Pendiau (JKKK) lalu RM5,000 ungkup Biro Wanita Rumah Nimong, Empelanjau Atas.-EDISI UKAS