HARI MINGGU, 13 FEBRUARI 2022
KUCHING: Pejalai projek pemansang ba sitak Kunsil Nengeri (DUN) Stakan terus dipatau.
Kaban Kunsil Nengeri (ADUN) Stakan, Datuk Hamzah Brahim madah, tu beguna amat dikena nentuka pemansang ke udah diperambu enggau deka dipejalai meri pemaik ngagai rayat.
Kenu ku iya, dikena nentuka genap perengka guna ba sesebengkah endur seruran dikemerat, pengawa matau patut dipejalaika sepanjai maya.
Iya madah munyi nya maya ngabas Kampung Sidanu apin lama ke udah.
Berebak enggau nya, iya madah semua penanggul ke nyadi mungkur sekeda Projek Transformasyen Menua Pesisir (RTP) ba genturung pendiau nya.
Ba pejalai nya, iya bisi nyuaka agih belanja Projek Mit Menua Pesisir (MRP) ngagai pengari Kampung Sidanu, Presto Sabin.
Bela bisi datai ngulu pengawa matau maya nya, Mandal Chairman Parti Pesaka Bumiputera Bersatu (PBB) Pampang DUN Stakan, Daily Joseph, Tuai Raban Bansa Kampung Sidanu, Eddy Sabin sereta Pengari Penulung Injinir Opis Kereja Raya, Sheylin Mireng; Hafiz Rahmat enggau Howard Authorilis.-EDISI UKAS
