Kepala Menteri Betuaika Pengawa ADUN Angkat Sumpah

HARI SATU, 14 FEBRUARI 2022

KUCHING: Kepala Menteri ke mega Kaban Kunsil Nengeri (ADUN) Gedong, Datuk Patinggi Tan Sri (Dr) Abang Abdul Rahman Zohari Tun Datuk Abang Openg betuaika 79 ADUN angkat sumpah ba Kunsil Nengeri (DUN), kena Hari Satu.

Pengawa nya dipejalaika ba mua Speaker DUN Tan Sri Datuk Amar Mohamad Asfia Awang Nassar ba Aum DUN Penggal Ke-19.

Tiga iku ADUN iya nya ADUN Piasau, Datu Sebastian Ting, ADUN Kuala Rajang, Datu Len Talif Salleh enggau ADUN Repok, Dato Sri Huang Tiong Sii enda datai maya pengawa nya ketegal benung bejalaika atur kuarantin.

Ba pekara bekaul, aum DUN serak tu mega bisi 18 iku pengari rayat ke baru.

Kelimpah ari nya, mija penyakal ba aum tu enda baka selama ketegal penyampau tubuh sida bisi kurang lalu betuaika ADUN Bawang Assan Datuk Seri Wong Soon Koh.

ADUN Tupong Fazzrudin Abdul Rahman bela dichiri nyadi chairman Kelab Penyukung Perintah. -EDISI UKAS

add comment