HARI SATU, 14 FEBRUARI 2022

KOTA SAMARAHAN: Bisi 3,582 iku graduate nerima setipikit beserimbai enggau Pengerami Konvokesyen Universiti Malaysia Sarawak (UNIMAS) Ke-25.

Pengerami nya diatur ungkup graduate ari 10 fakulti ba empat penggal pengawa ke berengkah ari sehari tu.

Ba penggal keterubah, 444 iku nerima setipikit pelajar sida.

Pengerami Konvoksyen UNIMAS nya dipenyadi Canselor UNIMAS, Tuai Megai Menua (TYT) Nengeri Sarawak, Tun Pehin Sri Abdul Taib Mahmud di Dewan Tunku Abdul Rahman Putra (DeTar) UNIMAS.

Hari keterubah pengerami disempulang enggau pengawa nyuaka gela akademik nyengkaum Anugerah Pelajaran Di Raja, Anugerah Canselor enggau Anugerah Pro Canselor. -EDISI UKAS