DUN Sarawak Ngemendarka RUU ‘Perbekalan Tambahan’ (2021), 2022

HARI TIGA, 16 FEBRUARI 2022

KUCHING: Kunsil Nengeri (DUN) Sarawak ngemendarka Rang Undang-Undang (RUU) ‘Perbekalan Tambahan’ (2021), 2022 ungkup Belanja Pemansang Tambah Keterubah 2021 enggau penyampau RM478,843,946.

RUU nya dikemendarka Speaker DUN Sarawak, Tan Sri Datuk Amar Mohamad Asfia Awang Nassar udah ke nerima sukung ari Kaban Kunsil Nengeri (ADUN) ba hari ketiga Aum Keterubah Ungkup Penggal Keterubah DUN Ke-19 kena Hari Tiga.

Tu mega disukung Sapit Kepala Menteri, Dato Sri Prof Dr Sim Kui Hian.

Bacha renggat kedua enggau ketiga RUU nya dibantaika Sapit Kepala Menteri ke mega Menteri Wang enggau Ekonomi Baru Kedua, Datuk Amar Douglas Uggah Embas.

“Belanja tambah tu dikena nampung ungkus mayuh macham servis opis menteri enggau opis bekaul,” pia ku iya madah.

Kelimpah ari nya, maya mantaika RUU nya ba bacha renggat kedua, Datuk Amar Douglas madah, belanja tambah RM81,608,762 mega diungkupka dikena ngadu program enggau projek pemansang taun 2021.

“Bisi 47 sub pengawa enggau 68 sub program ti bekenaka belanja tambah enggau penyampau RM81,608,762.

“Penyampau belanja tu datai ari simpan tauka ari Rizab Luar Jangka,” ku iya nerang. -EDISI UKAS

add comment