UiTM Enggau PTPTN Nanggam Kerejasama Strategik

HARI ENAM, 19 FEBRUARI 2022

KUCHING: Universiti Teknologi Mara (UiTM) Pampang Sarawak enggau Opis Turu Pelajar Tinggi Nasional (PTPTN) nyain Sempekat Pemerati Ati (MOU) ba Palan Konvensyen Borneo Kuching (BCCK).

Pengawa nyain MOU nya dikarapka ulih meri pemaik ngagai kedua-dua raban dalam ngemeranka ulah ngumpul turu tumu nengah wang simpan pelajar.

Udah nya, kerejasama nya mega dikearapka ulih ngemansangka modal mensia nengah program pengelandik ke bekualiti setipak enggau peminta industri pengudah sida tembu belajar.

Pengawa nyain MOU nya dikemujurka Mandal Chanselor, Profesor Datuk Ts. Dr. Hajah Roziah Janor ngarika UiTM Sarawak, enggau PTPTN diarika Tuai Eksekutif, Ahmad Dasuki Abdul Majid.

Pengawa nya mega dikemataka Menteri Pelajar, Inovasyen enggau Pemansang Penau, Datuk Roland Sagah Wee Inn ngarika Kepala Menteri, Datuk Patinggi Tan Sri (Dr) Abang Abdul Rahman Zohari Tun Datuk Abang Openg, Rektor Uitm Sarawak, Profesor Dato Dr Jamil Hamali enggau Tuai Pegawai Operasyen PTPTN, Mastura Mohd Khalid.-EDISI UKAS

add comment