HARI TIGA, 23 FEBRUARI 2022

MIRI: Australia deka majakka kerejasama ba pengawa bekaul pemansik enggau pemansang (R&D) di Sarawak nengah Universiti Curtin.

Menteri Perengka Pengangkut Sarawak Dato Seri Lee Kim Shin madah, kerejasama nya mai pemaik ngagai Sarawak ti seririh enggau pengawa ke digaga perintah nengeri.

Iya bejaku munyi nya maya dirandau udah ke betemu enggau Pesuruhjaya Tinggi Australia ke Malaysia, Dr Justin Lee di Universiti Curtin, Miri kena Hari Satu tu tadi.

Chairman Komiti Pengatur Curtin Sarawak nya mega madah, pengawa iya sehari nya diatur dikena berandauka beberapa bengkah pekara.

“Randau kitai tu nyengkaum pengawa ke ulih digaga nengah kerejasama baka ba pelajar kelimpah R&D.

“Pengawa tu deka mai pemaik ngagai Perintah Sarawak lebih agi ba inisiatif ekonomi digital,” ku iya madah baru. -EDISI UKAS