HARI SATU, 28 FEBRUARI 2022

KUCHING: Tun Pehin Sri Abdul Taib Mahmud sehari tu nerima surat chiri nampung baru servis iya nyadi Tuai Megai Menua Nengeri Sarawak ari Yang di-Pertuan Agong Al-Sultan Abdullah Ri’ayatuddin Al-Mustafa Billah Shah di Istana Negara, Kuala Lumpur.

Pengawa nyuaka pangku pengawa nya bela digulu Menteri Besai, Dato’ Sri Ismail Sabri Yaakob enggau Kepala Menteri Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg.

Tu penggal ketiga Tun Pehin Sri Abdul Taib Mahmud megai penuduk Tuai Megai Menua Nengeri Sarawak.

Tun Pehin Sri Abdul Taib Mahmud dipelabaka angkat sumpah megai penuduk nya ba Begunan Kunsil Nengeri (DUN) Sarawak ditu pagila. -EDISI UKAS