HARI LIMA, 4 MARCH 2022
KUCHING: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg nerima penemuai basa ari Duta Besai Republik Uzbekistan Ke Malaysia, Ravshan Usmanov di Wisma Bapa Malaysia, kena Hari Lima.
Maya dirandau media, Ravshan madah ba penemuai basa nya, sida berandauka beberapa pekara bekaul enggau Uzbekistan enggau Sarawak.
“Aku baru udah betemu enggau Premier Sarawak (Datuk Patinggi Tan Sri Abang Zohari) alai kami berandauka mayuh bengkah isu sentang pengawa dagang, ekonomi, pelajar enggau dagang temuai,” ku iya.
Ku iya nambah, sida mega betemu enggau ‘Federation of Malaysian Manufacturers’ (FMM) dikena berandauka pekara bekaul sentang kaul entara orang dagang Sarawak enggau kompeni Uzbekistan.
Ravshan madahka pekara ke bela dirandau iya nya operasyen import eksport ke tau nyadi jemah ila sereta pekara ke ditemu sebaka entara dua buah menua.
“Aku merambu betemu enggau FMM dikena berandauka kaul entara orang dagang Sarawak enggau kompeni Uzbekistan.
“Kelimpah ari nya, bela berandauka sentang operasyen import eksport ti ulih diatur dudi hari ila lalu pekara ke ditemu sebaka entara dua buah menua iya nya di Malaysia lebih agi di Sarawak enggau sebengkah kandang menua di Uzbekistan,” -EDISI UKAS
