HARI ENAM, 12 MAC 2022

KUCHING: Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Abang Openg ngulu taklimat begulai enggau raban Komiti Penyangga Penusah Nengeri (JPBN) Sarawak nengah aplikasyen ‘zoom’ ari rumah iya empu kena Hari Lima tu tadi.

Aum pengelama sejam nya madahka penerang ngagai Datuk Patinggi Tan Sri Abang Zohari sentang sebengkah Atur Pengawa Standard (SOP), semilan iti malin ungkup renggat ‘endemik’, pekara bekaul enggau VTL (Vacinnated Travel Lane) sereta atur muka baru pintu adan entara menua berengkah 1 April tu. 

Berebak enggau nya, buah penemu udah dibantai lebih agi pasal atur muka pintu adan menua, lebih agi ba adan entara menua Sarawak enggau menua sepiak lalu pekara nya deka dibantaika JPBN Sarawak udah tu ila. 

Bela bisi enggau pengawa taklimat maya nya, bala Sapit Premier Sarawak, Datuk Amar Douglas Uggah Embas enggau Dato Sri Professor Dr. Sim Kui Hian sereta Menteri Dagang Temuai, Industri Kreatif enggau Seni Pemerindang, Dato Sri Abdul Karim Rahman Hamzah.-EDISI UKAS