HARI ENAM, 12 MAC 2022
SERIAN: Program ‘Bag2School’ (BTS) 2.0 ke diatur Gerempung Pengintu Pengelantang Belanja Kitai diatur keterubah iya ba Sarawak.
Program ninting taun nya diatur kelebih agi dikena beberika bantu pekara pelajar enggau bantu kereban sekula nyengkaum bakul pemakai dikena mantu raban orang suntuk ba dalam enggau menua bukai.
Sapit Menteri Betanam Betupi Moden enggau Pemansang Kandang Menua II (Pemansang Kandang Menua) ke mega Kaban Kunsil Nengeri (ADUN) Kedup, Martin Ben madah, program nya nyereminka pengeransing semua raban nentuka raban orang suntuk dibantu nitihka pematut.
Iya madah munyi nya maya bejadika program ‘Bag2School’ (BTS) Gerempung Pengintu Pengelantang Belanja Kitai Zon Sarawak @ bagi menua Serian taun 2022 ba Palan Opis Perintah Sarawak bagi menua Serian, kena Hari Lima tu tadi.
Bisi 70 iku Prinsipal enggau Kepala Pengajar ari semilan buah sekula sekondari enggau 99 buah sekula primari ba Serian datai ba program nya.
Sama bisi datai iya nya ADUN Tebedu, Dr Simon Sinang Bada, Residen Bahagian Serian, Tuah Suni enggau Presiden Gerempung Pengintu Pengelantang Belanja Kitai, Mohd Fadli Mohamed Salleh. -EDISI UKAS
