HARI SATU, 14 MARCH 2022

KUALA LUMPUR: Institut latih di Sarawak naka ke diatu agi chukup alai belajarka Pelajar enggau Latih Teknikal enggau Vokasional (TVET).

Menteri Pelajar Tinggi Malaysia, Datuk Seri Dr. Noraini Ahmad madah, Sarawak naka November 2021 bisi tiga buah politeknik enggau tujuh buah kolej komuniti.

“Semua institut tu bisi ngajar mayuh macham TVET,” pia ku iya madah nengah penerang ke ditulis dikena nimbal tanya Kaban Parlimen Sibuti, Lukanisman Awang Sauni di Dewan Rakyat, empai lama tu tadi.

Iya mega madah, pelajar ke bisi diajar ba institut nya nyengkaum pelajar dagang, ‘engineering’, teknologi, dagang, servis enggau pelajar.

“Kelimpah ari nya, kolej komuniti digaga ba menua ke nadai institut latih,” ku iya madah baru.

Ku iya, sekeda ari pekara diperatika sebedau ngaga palan nya nyengkaum ba pekara belanja enggau peminta industri.

“Taja pia, kita semampai mansik pekara tu nyangka patut digaga dudi hari ila,” ku iya madah. -EDISI UKAS