HARI DUA, 15 MARCH 2022

KUCHING: Kaban Kunsil Nengeri (ADUN) Kuala Rajang, Datu Len Talif Salleh enggau ADUN Repok, Dato Sri Huang Tiong Sii udah angkat sumpah nyadi pengari rayat.

Pengawa seduai tu diatur ba mua Speaker Kunsil Nengeri (DUN) Sarawak, Tan Sri Datuk Amar Mohamad Asfia Awang Nassar di DUN ditu, kena Hari Dua.

Seduai sebedau tu enda enggau bala ADUN bukai angkat sumpah ketegal positif COVID-19.

Ba rikod, Datu Len Talif nyadi pengari rayat ungkup penggal ketiga lalu Dato Sri Huang nyadi ADUN Repok ungkup penggal kedua.

Pengawa angkat sumpah nya bela dikemataka Sapit Speaker DUN Sarawak, Dato Idris Buang, Pemangku Sapit Sekretari DUN Sarawak, Abang Mohd. Adib Abang Sallehhadin enggau ADUN Satok, Dato Ibrahim Baki. -EDISI UKAS