HARI LIMA, 18 MARCH 2022

KUCHING: Speaker Kunsil Nengeri (DUN) Sarawak, Tan Sri Datuk Amar Mohamad Asfia Awang Nassar nerima penemuai basa ari Duta Romania di Malaysia enggau Brunei, Nineta Barbulescu di DUN Sarawak, kena Hari Empat.

Maya nya, Speaker DUN bisi bekunsika sejarah penumbuh DUN Sarawak enggau pengelebih sereta pemanah main asal ke dikembuan pupu raban bansa nengeri tu.

Nineta mega dibai ngabas Balai Baum enggau meda penyelai tukuh bengunan DUN Sarawak.

Bela datai, Sapit Speaker DUN Sarawak, Dato Idris Buang.-EDISI UKAS