HARI ENAM, 26 MAC 2022
SARIKEI: Pengawa Ngintu Penumbuh Taun Ke-70 Raban Pengetan Pengelikun Periman Malaysia (APM) bagi Menua Sarikei dirami enggau jelan pemesai.
Dikena ngenang jasa raban APM, pengerami serak tu diintu enggau chukup besai reti kelimpah ngingatka Haribulan rasmi penumbuh raban Pengetan Pengelikun Periman kena 24 Mac 1952.
Raban APM Sarikei mega dipinta bebendar agi gawa dikena matak komuniti rinduka pengawa nyadi APM kelimpah nyikap dri enggau bemacham pengelandik ke bekaul.
Kelimpah ari nya, sida mega patut regas ngabas rayat bejalaika ‘local engagement’ meri latih ngagai komuniti sereta nyikap diri napi sebarang aja penyadi tauka pekara enda disadang.
Nyadi nya deka ngangkatka tanggungpengawa APM nyadi sebengkah ari ejensi ke beguna dikena mantu menua enggau ngenataika servis ngagai komuniti.
Seriris enggau pemansang menua, APM mega patut berubah enggau bejalaika pelin ke engkeman sereta strategik ngambika terus diguna.
Nya alai, beberapa iti pelin komprehensif udah dilangkar bepelasarka pengelikun orang periman enggau pengelantang menua nengah servis APM.
Bela bisi datai maya nya Sapit Tuai Pesuruhjaya (Operasyen), Dr Norhafifi Ismail, Sapit Tuai Pesuruhjaya (Pengurusan), Lokman Effendi Ramli enggau raban APM Sitak Sarikei.-EDISI UKAS
