Hari Dua, 29 March 2022

JAKARTA: Pekara bekaul enggau meraka entara menua Sarawak enggau Kalimantan, pengawa dagang ba entara menua Sarawak enggau Kalimantan enggau pematut ngemanahka jalai alun, sekeda ari batang randau Sapit Premier Sarawak Datuk Amar Awang Tengah Ali Hasan enggau Kamar Dagang Indonesia di Jakarta, kena Hari Enam tu tadi.

Datuk Amar Awang Tengah madah, iya endang ngelaluka mayuh agi kaul enggau pengawa besaup Kalimantan enggau Sarawak nyengkaum pekara bekaul enggau pengawa ngetanka pengelikun rampa menua.

Deligit Datuk Amar Awang Tengah maya nya bela disempulang Menteri ba opis Menteri Besai (Pekara Sabah enggau Sarawak) Datuk Seri Panglima Dr. Johnity @ Maximus Ongkili, Menteri ba opis Menteri Besai (Ekonomi) Dato’ Sri Mustapha Mohamed, Utusan Khas Bimp-Eaga Tan Sri Pandikar Amin Mulia enggau Sapit Kepala Menteri ke mega Menteri Pemansang Industri Sabah Datuk Dr. Joachim Gunsalam.

Kelimpah ari nya, deligit Malaysia mega bisi ngulu pengawa begulai enggau Sapit Kepala Otorita Ibu Kota Nusantara Bapak Dhony Rahajoe.-EDISI UKAS