HARI TIGA, 30 MARCH 2022

MUKAH: Sepenyampau 193 iku orang kereja perintah nengeri enggau perintah besai nerima midul ‘pekhidmatan setia’ dikena ngelai basa ngagai pemujur pengawa sida ngelama tu.

Pengawa nyauka Midul ‘Perkhidmatan Setia’ Sitak Mukah nya dipenyadika Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg di Mukah, kena Hari Tiga.

Pengerami serak tu diungkup ngagai 10 iti opis enggau ejensi perintah nyengkaum enam ari Perintah Nengeri enggau empat ari Perintah Besai.

Sekeda ari penerima midul tu iya nya Direktor Opis Bomba enggau Penyah Penusah Malaysia Nengeri Sarawak, Datu Khirudin Drahman @ Hussaini ke udah gawa ba pengelama 33 taun.

Lalu 21 iku ke bukai iya nya ke udah gawa enggau mujur lebih ari 35 taun.

Sida tu iya nya Radwan @ Riduan Narawi (Opis Residen enggau Pelilih Sitak Mukah), Mohammad Hasbullah bin Abdullah (Opis Betanam Betupi Sarawak), Mohd Basra Sarbani, Abas Jahari enggau Shafiee Sahari ari Opis Ai Menua Pesisir Sarawak, Abu Bakar Hamdan (Opis Bomba enggau Penyah Penusah Malaysia Nengeri Sarawak), Sarjan Lee Ahoi enggau Sarjan Abdullah Sepawi ari Polis Diraja Malaysia, Badariah Budin, Ahmad Besungo enggau Hashim Wat ari Opis Pengerai Nengeri Sarawak, sereta Marttia @ Morni Lemak, Mohd Zain Ibrahim, Pengajar Helen Sares, Norsiah Lias, Pengajar Kanil Ali Hassan, Pengajar Saadiah Hossain, Pengajar Lias Daud, Pengajar Sidek Kusang, Pengajar Kahar @ Abdul Kahar Abu Samah enggau Pengajar Jaleha Maseri ari Opis Pelajar Nengeri Sarawak.

Sama bela datai maya pengerami tu iya nya Menteri Pemansang Raban Indu, Nembiak Mit enggau Pengelantang Mensia Mayuh, Dato Sri Fatimah Abdullah, Sekretari Perintah Nengeri Sarawak, Datuk Amar Jaul Samion, Kaban Kunsil Nengeri (ADUN) Tellian, Royston Valentine, ADUN Balingian, Abdul Yakub Arbi, Pemangku Residen Sitak Mukah, Shafrie Saili, Pemangku Pesuruhjaya Polis Sarawak, DCP Datuk Mancha Ata enggau Direktor Unit Pengatur Ekonomi Sarawak, Datu Dr. Muhammad Abdullah Zaidel.-EDISI UKAS