HARI TIGA, 30 MARCH 2022
KUCHING: Raja Permaisuri Agong, Tunku Azizah Maimunah Iskandariah mupuk mulaika diri ke Pahang udah ke nemuai dua hari ke Sarawak.
Penatai Raja Permaisuri Agong ba Padang Bilun Entarabansa Kuching (LTAK) pukul 9 pagi disambut bini Premier Sarawak, Puan Sri Datuk Amar Juma’ani Tun Tuanku Bujang.
Bela datai nyambut maya tu iya nya Sapit Menteri ba Opis Premier Sarawak, (Undang-Undang, Sempekat Malaysia 1963 (MA63) enggau Kaul Nengeri-Perintah Besai), Datuk Sharifah Hasidah Sayeed Aman Ghazali enggau Sapit Sekretari Perintah Nengeri Sarawak (Transformasyen Tikas enggau Pemanah Gawa), Datu Dr. Sabariah Putit.
Kena Hari Satu tu tadi, Raja Permaisuri Agong datai di Kuching lalu ngabas sereta bejadi Galeri Songket enggau Keringkam di Jalai Masjid.
Iya nangkan ke nya ngulu Majlis Santapan ba Kunsil Nengeri (DUN) Sarawak.
Lalu kenaka Hari Dua, Raja Permaisuri Agong bisi datai ngabas Kompleks Rumah Jil Puncak Borneo enggau Borneo Cultures Museum. -EDISI UKAS
