HARI EMPAT, 30 MARCH 2022

MUKAH: Projek ngaga Jematan Batang Igan disadang deka tembu taun 2024.

Sapit Menteri Infrastruktur enggau Pemansang Penyangkai Kapal Sarawak, Ir Aidel Lariwoo madah, kontriktor projek udah bisi semua kereban dikena ngaga projek nya.

“Nya alai, kitai melabaka sida nadai bepenanggul nembuka projek jematan 1.43 kilometer pemanjai tu nitihka langgur ke udah ditetapka.

“Naka ke diatu, projek udah digaga urung 24.7 peratus ti mega dulu 0.74 peratus ari langgur projek,” pia ku iya madah ba aum media udah ke ngabas projek nya di Mukah, kena Hari Dua.

Kelimpah ari nya, Ir. Aidel mega madahka Jematan Batang Igan nya sebagi ari jalai nebing sungai ba zon tengah.

“Semua projek ba zon tengah deka nembuka bungkur jalai nebing sungai di Sarawak, ari Lundu-Sematan nyentuk ke Miri,” ku iya nerang. -EDISI UKAS