HARI EMPAT, 7 APRIL 2022

SIBU: Bisi 93 buah sekula primari di Sibu nerima agih belanja ari One Stop Committe Bagi Menangani Isu Dadah dan Substance (OSC MIDS) Sibu enggau penyampau RM93,000.

Tiap sekula nya nerima RM1,000 ke diberi nengah program Laluan Pendidikan Pencegahan Dadah (PPDa) Sibu.

Pengawa nyuaka chek nya dipenyadi Pemangku Pegawai Pelilih Sibu, Salehah Hid ti disuaka ngagai Sapit Pegawai Pelajar Pelilih (PPD) Sibu, Kong Chiong Hui di Bilik Aum Opis Pelilih Sibu, kena Hari Empat.

Agih belanja ti dipinta PPD tu ngembuan tuju nyeliah pengawa bekenaka dadah enggau substance ba institusyen pelajar.

Ba program ke sebaka, Chiong Hui bela nyuaka check nya ngagai Kepala Pengajar SK Bahagia Jaya ke mega Chairman Kaunsil Kepala Pengajar Pelilih Sibu, Sharkawi Hamdan, Kepala Pengajar SK Rantau Panjang ke mega Chairman Sarawak Dayak Educators Assosiation, Ahpong Enteri enggau Kepala Pengajar SJKC Su Lai ke mega Chairman Gerempung Pengajar China Sibu Chinese Teachers Assosiation, Chan Siah Kuong. – EDISI UKAS