Atur Ditendur Ukai Tikit Rayat Peneka Ngaga Pemutus, Terus Titihka SOP: Premier Sarawak

HARI ENAM, 9 APRIL 2022

KUCHING: Atur ditendurka perintah ukai tikit dikena rayat peneka ngaga pemutus enggau enda nitihka Atur Pengawa Standard (SOP).

Nya alai, Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg nangkan rayat terus ngemeratka pengerai enggau ngasika SOP ke bisi laban penyakit COVID-19 agi begulai ba komuniti tauka ba dini-dini endur.

“Baka ke taun tu, kitai udah ngalih ngagai renggat endemik lalu bala rayat diatu ulih bejalai mindah mimit, baka ke dipeda aku maya lemai hari mayuh orang ngelawa Bazar Ramadan.

“Tang, tajapan atur maya tu udah ditendur, aku deka ngelalau kitai semua semampai nyaga pengelikun diri sereta ngemeranka SOP,” ku iya.

Iya madah munyi nya maya pengawa kelai nyuaka pemeri Hari Raya 2022 ba Wisma Bapa Malaysia di Kuching kena Hari Lima empai lama tu tadi.

Berebak enggau nya, Datuk Patinggi Tan Sri Abang Zohari mega bisi ngelalau mensia mayuh terus bejejaga maya ngintu pengerami Hari Raya Aidilfitri ti deka datai.-EDISI UKAS

add comment