KMKK, Raban JKKK Patut Disikap Penemu, Pengelandik Ngadu Pengawa

HARI DUA, 12 APRIL 2022

LIMBANG: Pengawa ngatur Program Nerang enggau Woksop Komiti Pemansang enggau Pengelikun Genturung Pendiau (JKKK) Renggat 1/2022 besai reti ngagai pengawa nyungkakka penemu enggau pengelandik tiap iku Tuai Raban Bansa enggau Genturung Pendiau (KMKK) sereta raban JKKK.

Sapit Menteri Pemansang Menua Pesisir, Datuk Hasbi Habibollah madah, tu dikena nentuka sida ngembuan penemu enggau pengelandik ke pemadu baru bekaul enggau pengawa diri.

“Woksop tu beguna bendar lalu patut diatur betandu.

“Kebuah pia, pemujur sida bejalaika pengawa deka nentuka pemansang ba menua,” pia ku iya madah maya bejadika program nya ke diatur Kaunsil KMKK Raban Bansa Bisaya (MKMKKB) menua Ukong, kena Hari Enam tu tadi.

Program nya digulu 70 iku penyereta chairman enggau raban JKKK nyengkaum Tuai Genturung Pendiau di Ukong.

Nangkan ke nya, Kaban Kunsil Nengeri (ADUN) Batu Danau, Paulus Palu Gumbang maya nya bisi madahka 30 iti Projek Transformasyen Menua Pesisir (RTP) udah dilanggur sereta deka digaga ba taun tu.

“Ba taun 2022, 30 iti projek RTP ADUN Batu Danau udah dilanggur kitai lalu deka digaga bepelasarka agih belanja ke diberi ninting taun,” ku iya nerang.

Maya nya mega, pemeri RM10,000 diungkupka ngagai tiap bengkah JKKK enggau MKMKKB ba renggat 2022.-EDISI UKAS

add comment